LAOAG CITY – Nagsinnapgod iti maysa nga L300 van ken Ebike iti paset ti Brgy. 21 dtoy ciudad ti Laoag.
Binigbig ni Police Staff Sergeant Artemio Magaoay Jr., duty investigator ti Philippine National Police traffic division ditoy ciudad ti driver ti L300 a residente iti Caoayan ISaela idinto a ti nangiturong iti e bike ket residente iti Brgy. 23 ditoy ciudad.
Kuna na a basar iti naiyuswat nga imbestigasyon, agpadaya ti bike idinto a kellaat a nagpaamianan ti L300 ken isu ti nangitunda ti panasinnapgud dagiti dua a behikulo.
Gapo iti daytoy, nagsagaba nagsagaba ti sugat iti lapayag iti nangiturong iti e-bike rason a naitaray iti Govenor Roque Ablan Sr. Memorial Hospital para iti naananay a panakataming na.
Kabayatanna, saan a naan-ano ti driver ti L300 pakairamanan dagiti innem a pasahero na.
Naamoan a dagiti naglugan iti L300 ket agpapada a trabahador ti ripper nga agawid kuman iti Isabela manipod iti ili ti Pagudpud iidnto a ti driver ti e-bike ket agawid met manipod iti maysa a grocery store.
Inpakaammo ni Magaoay nga awan metten ti plano ti nangiturong ti e-bike nga agipila ti reklamo malaksid iti kiddaw daytoy a maibaklay amin agiti kasapulan na iti ospital.
