LAOAG CITY – Makapungtot iti maysa nga Overseas Filipino Worker kalpasan a maipagarup a na-scam ti maysa nga empleado ti pribado nga kooperatiba
Inpetteng ti biktima a namunganay ti nasao nga isyu idi nangidasar ti business proposal ti pagayammna kenkuana a maysa a printing business a maeyastablisar iti ili ti Piddig.
Gapu ta agpagayam dagitoy ket nagtalek daytoy iti nadakamat nga proposal ken nangted iti kuarta kas investment.
Inrakurak na a nangipatulod daytoy ti ₱150,000 idi Nobiembre 28, 2022 idinto nangted met daytoy iti kapada a gatad iti Desiembre 1, 2022 ken sabali manen a ₱150,000 idi Pebrero 13, 2023 a pakabuklan ti ₱450,000 ti impatulodna.
Innayonna kalapasan ti sumagmamano a bulan ket nagsidaawen daytoy gapo ta awan metten ti negosyo a makita da a maipatakder a kas inpanamnama ti barkada na.
Gapu iti daytoy, nagkiddaw ti biktima iti pangilawlawag manipud iti pagayamman ngem ado ti agbalin a rasonna daytoy idinto a nakisarita nga isubli na laengen ti kwarta.
Mainaig iti daytoy, idi Agosto 9, 2024 ket nagsubli ti OFW ditoy pagilian ken nagturong iti mismo pagtaengan ti barkadana ket nagbayad daytoy ti ₱50,000 ngem awan ti simmaruno a bayadnan.
Kabayatanna, saan met nga inlibak ti nadakamat nga indibidual nga immunan a nagturong ti biktima kenkuana tapnu komprontaren daytoy maipapan ti nabati a kwarta a maisbuli ken adda ti nagbalin a saritaan da no sadinno nga in-video da pay daytoy.
Iti agdama, nagkedked met daytoyen a mangipaay pay ti naan-anay nga impormasyon maipanggep iti nadakamat nga isyu.
