LAOAG CITY – Adda ti panagamak ni Mayor Antonio Mariano iti ili ti Marcos gapu iti panagbaba ti presyo ti tabako.
Segun kenkuana, possible nga awanen ti agmula ti tabako iti sumruno a tawen no agtultuloy ti panagbaba ti presyo ti nasao a produkto.
Inbatad na a nupay maipapaay amin a kasapulan dagiti mannalon iti nasao nga ili ket dakkel latta ti pukaw da no agtultuloy ti panagbaba ti presyo ti tabako.
Inpakaammo ti mayor a manipod iti dati a 130 a pisos a presyo ti virginia tobacco iti kada kilo ket nagbalin laengen a 70 a pisos.
Naamoan a ti kangrunaan a barangay nga agmulmula ti tabako iti nasao nga ili ket iti Barangay Imelda.
