LAOAG CITY – Maysa nga Utility Aluminum Van a nagkarga ti naruay a baboy iti tiniliw dagiti kameng ti Philippines National Police iti paset ti Barangay Pasaleng iti ili ti Pagudpud.
Binigbig ni Police Major Carlo Abing, ti chief of police iti ili t Pagudpud ti driver ti utility Van a ni John Bernard De Asis y Rapanan, residente iti St. Allenville Townhom Binakayan, Manggahan Lawin, Kawit, 4104, Cavite.
Kuna na nga inisyoan da ti citation ticket babaen ti Provincial Ordinance 091-2022 Strengthening Rehabilitation Recovery and Repopulation of Hog Farms affected by Africa Swine Fever ti driver kalpasan nga awan ti naipakita na a dukomento dagiti karga na a baboy iti border control iti nadakamat nga ili.
Segun kenni Abing, adda ti karga ti aluminum van a 23 a sibibiag a baboy ken adda pay ti 3 a natay a baboy.
Inlawlawag ni Abing nga adda dagiti kameng ti Provincial Veterinary Office a nang-check up kadagiti baboy ken dagitoy ket naipasidong amin iti nasao nga opisina.
