LAOAG CITY – Nagballigi dagiti otoridad a nangtiliw ti maysa a norwegian national iti Barangay 12 ditoy ciudad ti Laoag.
Nabigbig daytoy a ni Ole Amdal, agtawen iti 59, naasawaan ken residente iti Barangay 55-C, Salet, Bulangon ti nasao a ciudad.
Natiliw ni Amdal babaen ti bileg ti maysa a warrant of arrest nga inparuk-at ni Hon. Judge Rafiel Alzate iti RTC Branch 1 Bangued, Abra gapu ti kaso na a panaglabsing ti RA 9262 wenno Anti-Violence Against Women and Their Children Act.
Nairekomendar ti 24 a ribo a pisos a piyansa ti nasao a gangannaet para ti temporaryo a pannakawaya-waya na.
