LAOAG CITY – Maysa a pamilya idiay Basilan ti nagbakwit iti San Fernando, La Union kalpasan ti panangideklara ni Presidente Rodrigo Duterte iti martial law iti intero a Mindanao gapu ti mapaspasamak a riribok idiay Marawi City.
Iti pananginterview iti bombo radyo iti ama a ni Abraham Ismael, inbatad na a nagdesisyon da a mapan da laengen agnaed idiay La Union gapu ta narigat ti panagbiag idiay Basilan.
Malaksid iti daytoy, nariribok pay ti nasao a lugar ken arig na ayop dagiti agnaed iti naggapwan da a lugar.
Nainterview iti bombo radyo ni Ismael bayat ti kaadda na ditoy ciudad ti Laoag tapno aglako kadagiti accessories.
Kadwa ni Ismael a nagturong iti San Fernando, La Union ti asawa ken lima nga annak da.
