BOMBO LAOAG – Kinumpirmaran ni Police Senior Inspector Grandeur Tangonan, ti chief of police iti Paoay, Ilocos Norte ti pannakatiliw da ti maysa a wanted person ti nasao nga ili.
Binigbig na daytoy a ni Ludivico Buduan, maysa a security guard ken residente iti Barangay Monte iti nasao nga ili.
Segun ken ni Tangonan, ni Buduan ket nakasoan ti dua a counts ti rape.
Inbatad na a napasamak ti krimen idi Hunyo 6 ken Hulyo 26 ita laeng a tawen ken ti nagbalin a biktima ti suspek ket agtawen iti 16 a balasitang a kabagyan na.
Iti agdama, nagtalinaed nagtalinaed ti suspek iti kustodyar ti PNP iti ili a Paoay.
