LAOAG CITY – Makumikum dagiti otoridad idiay Australia iti panangtulong da kadagiti isolated communities iti Queensland kalpasan ti nalawa a layos a nakapwersaan ti rinibo a tattao a nagbakwit.
Gapu iti layos ket nagpukaw ti suplay iti kuryente ken nadadael dagiti kangrunaan a kalsada iti nadakamat a lugar.
Immunan a kinumpirmaran dagiti otoridad a maysa a babai ti natay gapu iti kalamidad.
Mainaig iti daytoy, inrakurak ni Prime Minister Anthony Albanese a gapu iti mapaspasaran a kalamidad iti lugar ket ditoy met a naipakita ti napintas a kababalin dagiti Australians.
Kuna na a nakita na no kasanu iti panagtitinnulong iti dagiti residente tapno maipasigurado ti kinatalged iti tunggal maysa manipod iti mapaspasaran da a layos.
