LAOAG CITY – Dead on arrival iti ospital ti nangiturong iti motorsiklo idinto a nasugatan iti inlubbon na kalpasan a nadesgrasya da iti national highway iti paset ti Barangay Davila, Pasuquin, Ilocos Norte.
Nabigbig daytoy a ni Corcoro, agtawen ti 26, naasawaan ken residente iti Barangay Puyupuyan ti nasao nga ili idinto a dagiti inlubbon na ket da Joshua Rubio ken ti nabigbig laeng iti nagan na nga Arleen.
Iti imbestigasyon, bayat nga agpapa-abagatan a direksyon dagiti biktima ket natulid da a nangitunda iti pannakaipasiruk da iti nasabat da a van.
Naitaray dagiti biktima iti Governor Roque Ablan Senior Memorial Hospital ditoy ciudad ti Laoag ngem naideklara ni Corcoro a dead on arrival.
