LAOAG CITY – Saanen nga immabot pay a sibibiag iti ospital ti driver ti motorsiklo idinto nga agtultuloy a maag-agasan iti ospital ti inlubbon na, kalpasan nga aksidente a dimungpar da ti nakaparada a lugan iti igid ti kalsada iti national highway paset ti Bgy. 21 iti ili ti San Nicolas.
Binigbig ti PNP-San Nicolas ti driver ti motorsiklo a ni Ruben Corpuz, 24 anyos, awanan asawa, ken residente iti Brgy. Mangato West iti Laoag City idinto a ti inlubbon na a kritikal ti kundisyon na ket ni Leonil Molina, 31 anyos, maysa a merchandiser, ken residente iti Brgy Dupitac, Piddig Ilocos Norte.
Naamuan a manarimaan nga agpapaamyanan a direksiyun dagiti dua idi maipagarup a saanda a nakita ti nakaparada a Toyota Tamaraw FX iti kannawan a paset ti igid ti kalsada.
Nagsagaba dagiti dua kadagiti sugat kadagiti nagduduma a paset ti bagi da ngem napakaruan ti driver rason a naideklara a pimmusay bayat a maiserserrek iti opsital.
