LAOAG CITY – Nakairekord ti gobyerno probinsyal iti maysa a kaso ti COVID-19 ken maysa met iti nalaingan manipud iti nasao a virus.
Ti nagpositibo ket ni IN-C748, lalaki, agtawen ti 50, ken residente iti Brgy. 35 Gabu Sur ditoy siudad ti Laoag.
Agtrabtrabaho ti pasyente kas maysa nga APOR kas agserbi a driver wenno operator.
Awan met iti sagsagabaen ti pasyente a sintomas wenno asymptomatic daytoy ken nakaisolate iti agdama.
Nairekord met ti maysa a recovery rason nga umaboten iti 685 recoveries idinto a nagtalinaed nga uppat dagiti pimmusay.
Nagtalinaed met a 59 ti bilang dagiti active cases ti COVID-19.
