LAOAG CITY – Agsango iti maysa nga exhibition match da dati a two-division UFC champion Conor McGregor ken World Wrestling Entertainment (WWE) star Logan Paul intono 2025.
Nagtulag ti dua a kampo a maiyuswat ti nasao a match iti pagilian nga India ken aglaban da iti babaen ti boxing rules.
Mismo a ni McGregor ti nangirakurak iti nasao a laban ngem iti agdama ket nagtalinaed a limitado paylaeng ti impormasyon a naiparuk-at seknan iti daytoy.
Ti laeng innayun ti UFC star ket agdama a pannakisarsarita na iti pamilya ti bilyonaryo a ni Mukesh Ambani nga sponsor iti nasao a laban.
Iti agdama, iggem ni McGregor ti record a 22-6-0 no sadinno a manipod iti 22 laban a naipangabak na, 19 ditoy ket agpapada a knockout.
Ni Paul ket maysa a Youtuber ngem nakapanunot a sumrek iti boxing no sadinno a sipud sinerrek na ti nasao nga sport ket namin-uppat a darasen a limmaban ken inpanakkel na ti laban da ken ni undefeated champion Floyd Mayweather Jr.
