LAOAG CITY – Kinumpirmaran ni Mr. Jay-ar Natusa, mangidadaulo ti Minicipal Disaster Risk Reduction Management Office iti ili ti Pasuquin nga adda ti pinagsubli da iti probinsya ti La Union nga agawid kuma iti ili da.
Daytoy ket gapo ta kurang iti koordinasyon kadakuada ken awan ti resulta ti RT-PCR test daytoy.
Segun kenni Natusa, naamoan da laeng nga adda ti kailyan da nga agawid idi nagtawagen daytoy ngem addan iti border control iti ili ti Badoc.
Kunana a saan na a maibaga a saan nga ammo ti maseknan ti protocol gapo ta namin-dua a darasen a nagsubli da.
Inpetteng na nga ipatpatungpal da laeng no anya ti linteg wenno rumbeng a masurot a protocol.
Inbatad na nga uray ti pamilya dagiti maseknan a naggapo idiay La Union ket saan da nga ammo nga agawid dagitoy.
Innayon na nga awan ti agbalin a problema no naurnos ti koordinasyon ken masurot ken kumpleto dagiti dokumento sakbay ti panagbyahe da.
Sungbat daytoy ni Natusa iti impormasyon a naawat ti Bombo Radyo Laoag nga adda ti saan a nasukon iti border control a residente iti ili ti Pasuquin.
