LAOAG CITY – Maibilang a nataltalna ti pannakangilin ti semana santa iti ili ti San Nicolas ita a tawen no ikompara iti napalabas a tawen.
Daytoy ti nagbalin nga obserbasyon ni Miss Rian Simon, ti mangidadaulo iti Municipal Disaster Risk Reduction and Management Council iti ili ti San Nicolas.
Maragsakan ni Simon gapu ta awan pay dagiti napaspasamak nga aniaman nga insidente kabayatan ti panangilin ti semana santa.
Mangnamnama ni Simon nga agtalinaed ti linak, urnus ken talna iti nasao nga ili agingga intono Domingo.
Kabayatanna, inpakaammo na nga adda dagiti naestablisar nga emergency assistance centers iti nasao nga ili tapno adda ti alisto a pakaidanunan ti aniaman nga insidente a nasken a marespondean ita nga holy week.
