LAOAG CITY – Maipan ti sibubukel nga Ilocos Norte iti babaen ti Modified Enhanced Community Quarantine (MECQ) mangrugi intono Agosto 1 agingga intono Agosto 14.
Segun kenni Gov, Matthew Marcos Manotoc, inaprubaran ni DILG Sec. Eduardo Año ti kiddaw na a maipan iti MECQ ti probinsya gapo iti panagngato ti kaso ti covid-19.
Inlawlawag na a bayat a maipatpatungpal daytoy ket adda ti 40 a pulis a manipud iti PNP Regional tumulong tapno mamonitor ti garaw dagiti tattao.
Inbatad na a nagkiddaw pay kenni Health Sec. Francisco Duque III ti tulong no sadinno a mangipatulong ti ahensya ti lima ribo a VTMs para iti RT-PCR ken sangaribo a para iti antigen test.
Kunana nga adda met ti nayun a 17 contact tracers.
Manamnama met a mangiparuk-at ti gobernador ti executive order mainaig iti daytoy ita nga aldaw.
