LAOAG CITY – Natay ti maysa a mekaniko kalpasan a naidungpar ti nagluganan na a motorsiklo iti puun ti Gmelina iti Brgy. Parparuruc iti ili a Vintar.
Nabigbig ti biktima a ni James Dukes Jr. y Agpaoa, agtawen ti 27, naasawaan, ken residente ti brgy 1 iti nasao nga ili.
Segun ti PNP Vintar, bayat nga agpadpadaya a direksyon biktima a nakalugan ti motorsiklo ket kellaat a napukawan ti kontrol iti manibela.
Gapu iti daytoy, naidungpar ti biktima iti puun ti gmelina.
Nagsagaba ni Dukes ti nakana a sugat iti ulo na.
Dagus a naitaray ti biktima iti ospital ngem naideklara a dead on arrival.
Naamuan nga awan ti helmet ti biktima bayat a nagiturong iti motorsiklo.
