LAOAG CITY – Agtultuloy a birbiruken dagiti otoridad ti suspek a nangkidnap ken nangrames ti agtawen ti trese a menor de edad a babai idiay Sarrat, Ilocos Norte.
Segun ken ni Police Chief Inspector Roldan Suitos, hepe iti nasao nga ili, maipagarop nga innala ti naka-motorsikloa nakasuot ti helmet ti biktima bayat a magmagna da ti ading na.
Inlawlawag ni Suitos a modus ti suspek ket kinasarsarita na ti biktima bayat a magmagna da kalpasa na ket kiniddaw na a kadwaen na daytoy gapu ta adda ti mapan da alaen a package.
Gapu iti daytoy, simmurot ti biktime iti suspek idinto a nabati ti kabsat na.
Naamoan nga inkabil ti suspek ti biktima iti kabakiran ken ditoyen a ginundawayan na.
Dagus met a nagipulong ti biktima kadagiti nagannak na seknan ti napasamak kenkuana.
Iti agdama, agtultuloy iti imbestigasyon dagiti otoridad mainaig iti napasamak nga insidente.
