LAOAG CITY – Natiliw ti maysa a menor de edad a babai iti balligi a naiyuswat a drug buy bust operation idiay Barangay 10 ditoy ciudad ti Laoag.
Ti nasao nga ubing ket agtawen ti 16 ken residente iti Barangay 3 ditoy ciudad.
Nagatang ti police pusuer buyer ti maysa a sachet a naglaon ti maipagarop a marijuana, malaksid laeng ti ikot na a tallo a sacht ken 500 a pisos a marked money.
Naamoan a nakikinnamatan pay laeng ti nasao nga ubing kadagiti otoridad agingga a natiliw.
Segun kenni Barangay Chairman Suzane Bueno iti Barangay 3 ditoy ciudad ti Laoag, awan ti ammo na a pakainaigan ti ubing iti iligal a droga.
Inbatad na a ti laeng ammo na ket agkat-cutting class ti nasao nga ubing gapo iti nobya na iti kallabes.
