LAOAG CITY – Natay ti lalaki a menor de edad kalpasan a nalmes iti Brgy. Saud, Badoc, Ilocos Norte.
Ti biktima ket agtawen ti siyam, Grade 4 student ken residente iti nasao a barangay.
Segun kenni Police Major Jospeh Tayaban, ti chief fo police ti PNP-Badoc, nagreport kadakuada ti ina a ni Maryjane Cariaga y Abraham seknan iti pannakalmes ti anak na.
Kunana nga iti met palawag ti ina, nagturong ti biktima ken dagiti papagayam na a menor de edad iti baybay tapno agdidigos.
Nupay kasta, nadlaw dagiti papagayam ti biktima a nalmes daytoy isut gapo na a nagpukkaw dagitoy ken dagus da met a nagpatulong.
Inbatad na a nabirukan ti biktima ngem awanen ti biag na.
Naamoan pay manipud iti ikit ti biktima a ni Auntie Maryjane Cariaga ket inyuswat na ti Cardio Pulmonary Resuscitation (CPR) ngem saan a nagballigi daytoy, ken dagus da met a timmawag iti Badoc Ambulance ken naitaray iti Karmelli Hospital ngem naideklara a dead on arrival babaen iti attending Physician a ni Dr. Gamiao.
