LAOAG CITY – Iti maikadua a gundaway, makilaban iti finals ni Philippine national junior record holder Micaela Jasmine Mojdeh iti 2024 World Aquatics Swimming World Cup third leg a maisaysayangkat idiay Singapore.
Maminsan manen nga agpakitang gilas iti finals ni Mojdeh iti women’s 400m Individual Medley no sadinno a makibinnalubal daytoy kadagiti nalalaing a tankers iti intero a lubong.
Karaman kadagiti makageddan ni Mojdeh iti finals ni Katie Grimes ti Amerika a silver medalist iti 2024 Paris Olympics pakairamanan ni Mary Sophie Harvey ti Canada ken Tara Kinder ti Australia.
Nakastrek met iti finals da WakaKobori ti Japan, Yiyan Victoria Lim ti Singapore, Nikolera Trnikova ti Slovakia ken Apple Jean Gwinn ti Chinese-Taipei.
Nagdesision ni Mojdeh a saanen a makipaset iti 50m butterfly ken 100m breaststroke events tapno maisentro ti atensionna iti 400m IM finals.
