LAOAG CITY – Nanayonan pay dagiti miembro ti gabinete a dinutukan ni United States President-elect Donald Trump.
Iti kaudian a rakurak daytoy, dinutukanna ni Florida Republican Senator Mike Waltz kas national security adviser-na.
Pinili na met ni dati nga Arkansas Gov. Mike Huckabee kas sumaruno nga United States Ambassador to Israel.
Manamnama a madutukan pay ni Florida Senator Marco Rubio kas Secretary of State idinto a napilina ni Governor Kristi Noem kas sumaruno a Secretary of Department of Homeland Security.
Immuna iti daytoy, napili ni Rep. Elise Stefanik kas United States Ambassador to United Nations ken ni Tom Homan kas Acting Director ti Immigration and Customs Enforcements.
