Inwaragawagen ti Miss Universe Philippines 2024 dagiti Top 5 candidates iti Swimsuit Challenge.
Daytoy ket isuda Dia Mate ti Cavite, Patricia Bianca Tapia ti Hawaii, Alexie Mae Brooks ti Iloilo, Ahtisa Manalo ti Quezon Province, ken Jet Hammond ti Southern California.
Dagiti nangabak ket naibasar iti butos ken ti top winner ket dagus nga addaan ti puesto iti finals.
Maipalagip nga inwaragawag met ti Miss Universe Philippines dagiti tallo a nangabak iti National Costume Competition a naangay idiay Sultan Kudarat iti napan a lawas a nangabak da Tamara Ocier ti Tacloban, Alexie Brooks ti Iloilo, ken Jet Hammond ti Southern California.
Gapu iti daytoy, tunggal maysa kadagiti nangabak iti Best National Costume ket mangawit iti P100,000.
Naituding a maangay ti coronation event ti Miss Universe Philippines 2024 iti Mall of Asia Arena inton Mayo 22.
