LAOAG CITY – Naisalakan dagiti kameng ti PNP San Nicolas ti maysa a lalaki kalpasan ti gandat na nga agpakamatay.
Nabigbig ti lalaki a ni Jaimie Tabinas, agtawen ti 42, ken agnanaed iti Brgy. 1 San Francisco iti ili a San Nicolas.
Segun ti PNP San Nicolas, nakiturog ti biktima kadua na ti anak na iti kuerpo ti pulisya sakbay nga agturong da idiay Pampanga ken gapu ta adda pay ti pangta iti biag na.
Kabayatanna, nakita lattan dagiti pulis ti biktima iti uneg ti Comfort Room ti kuerpo ti pulisya a dara-daraken addaan ti dua a bagkong ti tengnged iti biktima.
Insegida a naitaray ti biktima iti Gov. Roque Ablan Sr. Memorial Hospital ditoy siudad ti Laoag ken addan iti natalged a kasasaad daytoy.
