LAOAG CITY – Inalay-ayan ni Mayor Michael Marcos-Keon ti panagamak ti publiko mainaig iti maiyuswat a Balikatan Exercise ditoy ciudad ti Laoag.
Segun ken ni Mayor Keon, maiyuswat ti Balikatan exercise iti La Paz Sand Dunes intono Mayo 6 ken Mayo 10 ita a tawen.
Inlawlawag na a military exercise laeng ti maiyuswat ken awan ti gubat a mapasamak.
Innayon na a ti nasao nga aktibidad ket paset ti panagsagsagana dagiti kameng ti armada tapno maprotehiran ti pagilian manipod iti panagharharass ti China.
