LAOAG CITY – Inpasingked ni Mayor Michael Marcos nga adda ti maipaay nga ayuda dagiti amin a mangngalap a naapektaran iti dua nga aldaw a pannakaisayangkat ti Balikatan Exercise iti Brgy. Lapaz ditoy siudad ti Laoag.
Segun kenkuana, nakikoordinar daytoy ken ni Ms. Shiela Opelac, ti mangidadaulo iti City Agricuture Office tapno maammoan ti bilang dagiti naapektaran a mangngalap gapu iti pannakaiwayat ti nasao nga aktibidad.
Inpasigurado ni Mayor Keon nga adda ti food packs ken financial assistance a maipaay kadagiti maseknan a mangngalap.
Kalikagumna a maited dagus daytoy a tulong para kadakuada iti kabiitan a panawen nangruna ket naapektaran ti pagbirukan dagitoy.
Innayonna a ti nasao a lugar ket napintas a site a pakaiwayatan ti naindaklan nga aktibidad kas ti Balikatan Exercise.
