LAOAG CITY – “It cannot be, it cannot happen. It should not happen.”
Dagitoy dagiti inbatad ni Vice Gov. Matthew Marcos Manotoc mainaig iti pannakatay ni Mark Dave Nicolas, Gold Medalist iti Palarong Pambansa a pimmusay itay kallabes gapu iti impeksion.
Segun ken ni Manotoc, adda ti nagkurangan ti Mariano Marcos Memorial Hospital and Medical Center iti pannakaipaay ti serbisio medikal iti nasao nga atleta.
Patienna nga adda ti nasaysayaat ken al-alisto koma a panangtaming ti ospital ti kasasaad ni Nicolas gapu ta naibayag ti pannaka-operana.
Nupay inlawlawagna nga adda idin dagiti banag nga ad-addan a nakaapektar ti situasionna gapu ta dehydrated, over fatigue ken adda injury iti tumengna a daytoy ti rason no apay a nagimpeksion gapu ta in-inot a narunot ti muscle a napnapan iti blood streme agingga a saan a kinabaelan ti kidney.
Mainaig iti daytoy, kinunana a nasken a mangiparuk-at ti hospital ti statement gapu ta kasapulan ti publiko ti panangisplikar ti napasamak nangruna iti pamilia.
Innayonna a ti nasao nga ospital ket APEX standard isut gapuna a kasapulan a dekalidad ti maipapaay a serbisio manipud iti state university kasta met iti ospital.
