LAOAG CITY – Inpalagip ni Monsignor Joey Ranjo iti Diocese of Laoag no anya ti anag ti Ash Wednesday a maobserbaran ita nga aldaw.
Segun kenni Fr. Ranjo, iti daytoy nga aldaw ket maikkan met ti krus babaen iti dapo ti muging dagiti tattao kas panangipakita ti panagkalikagom nga agbabawi kadagiti basbasol.
Inlawlawag na a simbolo daytoy iti panangdawat ti pammakawan Iti Diyos.
Kunana a minimum requirements met ti saan a pannangan ti karne kas panangipakita ti panagkaykaysa aken sakripisyo.
Inpetteng na a saan a gapo ta adda ti krus iti muging babaen iti dapo ket agbalinen a nasingpet no diket kasapulan ti panagbalbaliw ti maysa a tao ken ti panagpakumbaba.
Ti Ash Wednesday ket isu panangrugi ti Lenten season wenno tiempo ti Cuaresma ken ti dapo a mausar ket ti napuuran a palaspas a nausar iti Domingo Ramos iti napalabas a tawen.
