LAOAG CITY – Nauram ti maysa a motorsiklo iti paset ti Barangay 6 iti ili ti San Nicolas.
Binigbig ni Fire Inspector Meynard Aguinaldo iti Bureau of Fire Protection (BFP) iti ili ti San Nicolas ti akinkukua ti motorsiklo a ni Zoren delos Santos, 18, baro ken residente met laeng iti nasao a barangay.
Inbaga ni Aguinaldo a basar iti imbestigasyon da ket kabayatan ti panangiturong ni delos Santos iti motorsiklo ket adda ti bigla a naggilap.
Gapu iti daytoy, indaras ni delos Santos nga inparking ti motorsiklo na ngem ditoyen nga immapoy.
Kuna ni Aguinaldo a mapatta-patta a 50 a porsiento ti nauram a paset ti nasao a motorsiklo.
