LAOAG CITY – Nagkasaren ni Jimmy Donaldson wenno adadda nga amammo kas MrBeast ken ti partner-na a ni Thea Booysen.
Iti maysa nga Instagram post, dagiti newlyweds ket nangishare-da ti joint post iti beach wedding-da no sadinno ket nakasuot ni MrBeast ti puraw a tuxedo nga addaan ti nangisit a tie, ken idinto a ni met Thea ket nakasuot ti sheer lace bridal gown nga addaan ti spaghetti straps ken plunging neckline.
Maipalagip a nag engaged dagiti dua idi Enero 2025 ken immunanada a nagkita idi 2022 idi bimmisita ni MrBeast sadiay South Africa a home country ni Thea no sadinno ket nagamammo dagiti dua babaen iti mutual friend-da iti maysa a dinner.
Idi laeng napalabas a bulan, ni MrBeast ket nagbalin kas kaunaan a YouTube content creator nga addaan ti 500 million subscribers.
Malaksid iti vlogging, na-exposed pay ni MrBeast iti food business no sadinno ket nakadanon pay ditoy Pilipinas ti burger brand-na babaen ti maysa a pannakibinnuligna iti JustKitchen Philippines.
