LAOAG CITY – Kalikagom ni Ilocos Norte 1st District Representative Sandro Marcos a lippasen ti tallo a terminona.
Kunana a daytoy ti inkarina iti publiko nangruna iti umuna a distrito ti probinsia ken patienna nga ado pay dagiti nasken nga aramiden na.
Innayon na a masapol a maaramid amin dagiti rumbeng a panagserbi iti publiko iti uneg ti siam a tawen kas iti panangipaay dagiti amin a kasapulan dagiti residente iti umuna a distrito ditoy probinsya.
Gapu iti daytoy, inlawlawag na nga iti agdama ket awan ti plano na nga agpaidasig iti national position.
