LAOAG CITY – Napintas ti nagbalin nga epekto ti kalkalpas a Palarong Pambansa kadagiti babassit a negosyante ditoy probinsia.
Daytoy ti inbatad ni Ms. Elma Gabriel, mangidadaulo ti Micro Small Medium Enterprises Office iti gobierno probinsial.
Kunana a nailukat daytoy iti publiko tapno agpapada a mabenepisyaran dagiti kayat na ti aglako bayat ti Palarong Pambansa.
Innayon ni Gabriel a ti kangrunaan a lugar nga ado ti napastrek na ket iti Mariano Marcos State University iti ciudad ti Batac gapu ta malaksid kadagiti atleta ken partispantes iti nasao a national event ket adda paylaeng dagiti sumagmamano nga estudyante.
