LAOAG CITY – Nadutalan iti maysa a panagadal nga iti inaldaw a panagtumar ti multivitamin ket makatulong a mangpabayag iti biological aging iti lebel dagiti selula.
Segun kadagiti agsuksukisok manipud iti Mass General Brigham, ti dua a tawen a panaginom ti multivitamin ket katukad ti sumuruk-kumurang nga uppat a bulan a nabaybayag a panagtaeng.
Tinesting ti panagadal dagiti 958 a nataengan babaen ti “epigenetic clocks,” maysa nga addang iti panangrukod iti biolohikal nga edad babaen kadagiti panagbalbaliw ti DNA.
Ditoy a naduktalan a nabaybayag ti panagtaeng dagiti agtumtomar ti multivitamins, nangruna kadagiti naparpartak ti panagtaeng na ngem iti ninamnama.
Naipablaak iti panagadal ti Nature Medicine, ken kuna dagiti eksperto a kasapulan ti kanayunan a panagsukisok tapno maammuan ti napaut nga epekto daytoy iti salun-at ken panangliklik iti sakit.
