LAOAG CITY – Kinumpirmaran ni Mayor Efren Cimatu iti ili ti Bangui ti pannaka-dismiss wenno pannaka-ikkat ti mangidadaulo ti Municipal Agriculture Office a ni Rosario Ramos Aguedan.
Segun ken ni Mayor Cimatu, idi pay laeng umuna a lawas ti Setyembre ita a tawen a naawat da ti desisyon manipod iti Ombudsman seknan iti daytoy.
Kunana a kalpasan a naawat da ti desisyon ket dagos a naipatungpal ken naikkat ni Aguedan kas mangidaulo ti Municipal Agriculture Office.
Umuna iti daytoy, rumrumwar a nagreklamo dagiti mannalon iti maipagarop a saan a nasayaat panaka-iwanwan dagiti makinarya a pagtalon ken maipagarop a saan a nasayaat a pannakabunong dagiti abono.
Iti agdama, inpakaammo na a ti baro a mangidaulo ti Municipal Agriculture Office ket ni Efren Casil Jr.
