LAOAG CITY – Ibilang ni Mr. Ranison Narciso, Municipal Agriculturist iti ili ti Solsona a beneficial ti Bagyo Nika iti benneg ti agrikultura.
Inbatadna a no maipanggep iti mula a pagay dagiti mannalon ket saan a naapektaran ti nasao a bagyo nangruna ket adda dagitoyen iti maikadua a cropping season.
Inlawlawagna a no maipanggep met iti mula a mais ket sumagmamano pay laeng ti nagmula isu a bassit laeng dagiti naapektaran iti iduduprak ti Bagyo Nika.
Innayonna a manarimaan ti pannakaiproseso ti claims dagiti maseknan a naapektaran a mannalon para iti crop insurance-da.
