LAOAG CITY – Napadayawan ti Municipal Civil Registrar iti ili ti Vintar babaen ti Philippine Statistics Authority ken ti Regional Statistical Services Office – 1.
Kabayatan ti pannakaangay ti 2nd Regional Convention on Civil Registration and Vital Statistics nga inatendaran dagiti amin nga Civil Registrars iti rehiyon, inawat ni Municipal Civil Registrar Baby Rodel Sabino Daquioag ken Regsitration Officer 1 Sandrex Agbayani ti pammadayaw, ti “Naisangsangayan a Ganuat Awas” kas Champion iti intero a Region 1.
Inawat pay dagitoy ti pammadayaw kas “Most Inovative Local Civil Registry Office” – First Place.
Ti pammadayaw ket gapo iti agtultuloy nga inobasyon a maisaysayangkat iti opisina ti Civil Registry iti Vintar.
Ti convention ket indauluan ti Ilocos Norte Civil Registrars Association (INCRA) ken sinuportaran dagiti kameng ti Ilocos Sur Civil Registrars Association (ISCRA), La Union Civil Regisrars Association (LUCRA), ken ti Pangasinan Civil Regristrars Association (PANCRA).
Naamoan a agiti nasao nga asosasyon ken isuda ti mangbukbukel iti Civil Registrars Association of Region 1 (CRAR 1) nga idadauluann ni Lourdes Llamas iti Pangasinan.
Mainaig iti daytoy, inpanamnama ni Daquioag nga ad adda pay ti naig get panangipatungpal da ti serbisyo da kadagiti umili.
