LAOAG CITY – Pormalen a nainagunararan ti Municipal Fire Station iti ili ti Pinili.
Segun ken ni F/Supt. Roxanne Parado, Provincial Fire Marshal ditoy probinsia, dagiti nagatendar iti nasao a programa ket isuda Regional Director F/Chief Supt. Leonida Rosales, dagiti opisial ti Bureau of Fire Protection iti ili ti Pinili pakairamanan dagiti opisial ti lokal a gobierno iti nasao nga ili.
Inbatadna a nabayagen a naipatakder iti nasao a fire station kalpasan ti pannakipinnirmada iti Deed of Donation iti lokal a gobierno ken ti Bureau of Fire Protection.
Inlawlawagna nga adda ti maysa a fire truck ti naipaay iti ili ti Pinili tapno adda ti mausar iti panagresponde dagiti maseknan a bumbero.
Innayonna nga adda pay ti manamnama a maipasdek a fire station ditoy Ilocos Norte tapno naan-anayen a makumpleto ti fire station iti intero a probinsia.
