LAOAG CITY – Naglikudan ti Myanmar a nangipatungpal ti genocide kontra kadagiti rohingya.
Inpetteng ti Myanmar a napaay ti Gambia a nangipaay ti natibker a pammaneknek iti alegasyon da no sadinno a rinugyan dan nga ikalintegan ti pagilian da iti top court ti United Nations.
Inpetteng ni Ko Ko Hlaing, ti Myanmar government representative, kadagiti judges iti International Court of Justice (ICJ) a ti alegasyon ket “unsubstantiated”.
Iti napalabas a lawas, inpalgak ni Gambian foreign minister Dawda Jallow iti korte a kalikagom ti Myanmar a mapukaw ti minority Muslim population babaen ti panangusar da ti “genocidal policies”.
Maipalagip a rinibo a Rohingya ti natay ken nasurok a 700,000 ti nagbakwit iti kaparanget a Bangladesh kabayatan ti army crackdown idiay Myanmar idi 2017.
