LAOAG CITY – Nabigbigen ti akin-kukua iti naabandonar a tricycle iti bakante a lote iti paset ti Barangay 30, Sta. Maria ditoy ciudad ti Laoag.
Segun iti Philippine National Police, ti tricycle ket kukua ni Mr. Ariel Dalija a taga Barangay Binsang iti ili ti Pasuquin.
Naamoan nga iti kallabes ket inreport ni Dalija iti pulisya a mapukpukaw ti tricycle na.
Idi laeng met kalman ket nakita ti tricycle iti bakante a lote ken adda ti certificate of registration a nakainagan iti residente iti Barangay Calusa iti ili ti Piddig ngem naaoan nga inlako na daytoy.
Saan metten nga inbuksilan ti pulisya dagiti dadduma pay a detalye ngem mangiyuswat da pay ti naun-uneg nga imbestigasyon.
Iti agdama ket addan kenni Dalija ti nadakamat a tricycle.
