LAOAG CITY – Inbatad ni Barangay Chairman Julius Paguyo iti Barangay 23 iti ili ti Sarrat nga inaksyunan na a dagus ti indanun a problema ti Bombo Radyo Laoag.
Daytoy ket mainaig iti pannakapagbalinen nga open dump site iti asideg ti kanal iti nagbedngan da iti Barangay 4 iti nasao nga ili.
Inlawlawag na a nakikoordinar a dagus iti Barangay Chairman ti Barangay 4 ken nagtulag da no ania dagiti napintas a maaramid.
Karaman a napagtulagadan da ket ti panangikabil da ti placard iti lugar tapno saanen a pagibellengan dagiti tattao.
Innayon na a mangituding da ti aldaw a panangikkat da kadagiti basura iti nadakamat a l lugar.
Naamoan a ti pagamkan dagiti residente ket no panagtutudo ket possible a malayos iti lugar gapu ta maabengan dagiti basura ti kanal a pagayusan ti danom.
