LAOAG CITY – Manmano paylaeng dagiti napan nagirenew ti lugan na iti Land Transportation Office (LTO) ditoy probinsya ita a tawen.
Daytoy ti inpakaammo ni Miss Susan Gagarin, ti mangidadaulo iti Land Transportation Office ditoy ciudad ti Laoag.
Inrakurak na nga uray iti napalabas a tawen ket naobserbaran da a manmano dagiti napan nagrenew ti lugan na.
Gapu iti daytoy, ginutigot na dagiti agiturturong ti aniaman ti klase na a behikulo a saan pay a napan nakairenew ti lugan ken lisensya na a mapan dan iti opisina da tapno awan ti malabsing da a paglintegan partikular ti traffic code.
Kabayatanna, nagpanawagan pay ni Gagarin kadagiti behikulo nga addaan ti plaka nga ending 1 a naka-schedule nga agrenew para ita a bolan ket agturong dan iti opisina da.
