LAOAG CITY – Manamnama a mapilaan ti kaso ti indibidual a naggapoan ken ti nakaidanonan dagiti burias iti ili ti San Nicolas.
Daytoy ti inpakaamo ni Police Major Eduardo Santos ti chief of police ti Philippine National Police ti San Nicolas.
Inlawlawag na a ti kaso ket ipila ti Municipal Agriculture oOffice iti ili ti San Nicolas a kas maibasar ti ordinansa ti nasao nga ili.
Namunganay daytoy kalpasan nga adda ti naidanon nga impormasyon iti Bombo Radyo Laoag a maipagarop nga awan ti permit ti naiserrek a baboy iti ili ti San Nicolas.
Naamoan a dagiti 11 a baboy ket maipan kenni Mr. Jefer Corpuz iti Barangay 14 iti nasao nga ili ngem naisubli met laeng iti ili ti Pasuquin a naggapoan dagitoy.
Kabayatanna, naglikudan ni Corpuz a nagparti ti baboy iti mismo nga arubayan na, a maysa pay kadagiti maiparit nga aramiden gapo ta ti laeng mabalin a pakapartian dagiti baboy ket iti slaughter house.
