LAOAG CITY – Bimmaba ti naglakoan ti behikulo iti umuna a bolan ti 2026 no ikompara iti naglakoan iti isu met laeng a panawen idi 2025.
Daytoy ket maibasar iti datos ti Chamber of Automotive Manufacturers of the Philippines Inc. (CAMPI).
Iti baet daytoy, nagtalinaed a positibo ti Chamber of Automotive Manufacturers of the Philippines Inc. a magun-od metlaeng ti pagilian ti target na a record-high a mapaglakoan ti behikulo ita a tawen.
Maibasar iti datos, ti pakabuklan ti behikulo a nalako idi Enero ita a tawen manipod iti Truck Manufacturers Association (TMA) ken dadduma pay nga industry data, ket 35,053 units, bimmaba iti 10 percent manipod iti nailako idi Enero 2025.
Ti pay nasao a datos ket nababbaba iti 26 percent no ikompara iti nasurok a 47,371 units a nailako iti napalabas a bolan wenno idi Disyembre 2025.
