LAOAG CITY – Inbutaktak ni Jake Bumanglag, ti naglibas a balud iti Ilocos Norte Provincial Jail (INPJ) ditoy ciudad ti Laoag nga ado pay laeng dagiti kontrabando a maiserserrek iti nasao a pagbaludan.
Iti ekslusibo nga interview ti bombo radyo ken ni Bumanglag, inlawlawag na nga adda dagiti kakadwa na iti uneg nga agpangpangta ti biag na.
Nupay kasta, inpasingked ni Bumanglag a sumuko iti saannan nga innaganan a guwardya iti INPJ nga ammo na a makatulong kenkuana.
Segun kenkuana, ak-akusaran da daytoy nga aglaklako ti sigarilyo iti uneg ti pagbaludan isut gapu na a plano da a patayen daytoy.
Mainaig iti daytoy, kinumpirma ni Bumanglag a malaksid iti sigarilyo ket ado pay laeng dagiti droga ken cellphone a maiserserrek iti uneg ti pagbaludan.
Innayon na a sumagmamano kadagiti guwardya iti nasao a pagbaludan ket maipagarop nga adda ti ammo na iti daytoy a banag.
