LAOAG CITY – Nakasangit gapo ti ragsak na ti maysa nga ina kalpasan a nakita na ti anak na a nagmartsa nga addaan ti 10 a medalya iti panagturpos na iti elementarya iti ciudad ti Batac, Ilocos Norte.
Segun iti ina na a ni Chaimaine Umengan, maysa nga OFW idiay Saudi Arabia, nakasangit a nangistorya idi nakita na ti anak na a ni Nicole Ida nga addaan ti ado a medalya gapo ta iti lima a tawen a panagtrabaho na iti sabali a pagilyan ket napukaw ti rigat ken sakripisyo na.
Iti agdama, simple laeng a selebrasyon ti naaramid iti balligi a nagun-od ni Nicole.
Naamoan a ni tito na a Tina a maysa a parlorista ken agup-upa ti balay ti nangaywan kenni Nicole bayat ti kaadda ti ina na idiay abroad.
