LAOAG CITY – Inrakurak ti United Kingdom Ministry of Defense a nagtipon ti Royal Air Force Typhoon jet ken French aircraft iti maysa a joint strike iti underground arms cache idiay Syria nga us-usaren ti Islamic State group.
Basar iti impormasion, ti nasao a pasilidad ket mapapati a pangikabkabilan kadagiti armas ken pagpabettak nga adda kadagiti kabanbantayan iti amianan a paset ti Palmyra a maysa a nagkakauna a lugar iti central Syria.
Awan ti pakalasinaan ti aniaman a pannakadangran kadagiti sibilian iti panangatake idi Sabado ken amin nga aircraft ket nakasubli a natalged.
Mainaig iti daytoy, ti Typhoon FGR4s ket supsuportaran ti Voyager refuelling tanker.
Naammoan a ti Islamic State group ket am-ammo pay iti awag nga Islamic State group a nangipataw ti panangidaulo ti jihadist kadagiti sumagmamano a paset ti Syria ken Iraq agingga idi 2019.
Maipalagip nga idi Disiembre ket nangiwayat ti military ti Estados Unidos nga inawaganda daytoy a “massive strike” kontra kadagiti target ti Islamic State idiay Syria kalpasan ti maysa nga ambush a nakatayan ti dua nga Amerikano a suldado ken maysa a sibilian nga interpreter iti Palmyra.
Kabayatanna, inpakaammo ti United Nations nga adda latta ti lima a ribu ken pito a ribu a suldado idiay Syria ken Iraq.
