LAOAG CITY – Plano ti Local Government Unit (LGU) iti ili ti Pinili a pagbalinen a tourist spot ti Nagtrigoan Dam iti Barangay Nagtrigoan iti nadakamat nga ili.
Inbatad ni Mayor Rommel Labasan iti ili ti Pinili a kayat da a mapatakderan kadagiti cottages ti nasao a dam tapno adda ti pagyanan dagiti mapan agdidigus.
Segun ken ni Labasan, umabot ti uppat nga ektarya ti kalawa ti dam ken napintas ti lokasyon na gapu ta adda iti nagnabaetan ti dua a bantay.
Kabayatanna, inbilin ti mayor kadagiti opisyal iti Barangay Nagtrigoan a mangputar da ti ordinansa a masapol a dagiti mapan iti dam ket maikkan ti safety gear manipod iti gobierno lokal.
Daytoy ket kalpasan nga adda ti maysa nga estudyante a natay iti nasao a dam itay laeng kallabes.
