LAOAG CITY – Saan a rumbeng a wagwagen ti maysa a maladaga gapu ta possible nga agpasar ti Shaken baby syndrome a maysa a seryoso a brain injury.
Inbatad ti maysa nga eksperto nga uray lima a segundo laeng a pannakawagwag ti maladaga ket mabalin a madisgrasya, gapu ta dagitoy ket nalukneng paylaeng ti utek ken nakapsot ti masel iti tengngeg da.
Sensitibo pay dagiti urat iti uneg ti utek dagiti maladaga isut gapuna nga uray bassit laeng a pannakawagwag da ket mabalin a maaddaan ti brain damage.
Liklikan pay ti masansan a pannakatnag ken pannakaitim-og ti maladaga gapu ta mabalin a mangitunda ti panagdara iti utek.
Ti sintomas ti panagdara ti utek ket ti panagsakit ti ulo wenno masansan ti panagsangit ti maladaga, panagbakwar ken kanayun a makaturturog.
