LAOAG CITY – Maysa a naidumduma nga estoria ti paskua idiay Fort Collins, Colorado kalpasan a naisubli ti tinakaw a Baby Jesus manipud iti maysa a belen a naka-display iti Old Town Square. Ti insidente ket nangitunda ti apagapaman a panagdanag ti komunidad.
Dagus a nangiruar ti rakurak ti Fort Collins Police Department iti online, karaman ti maysa a saan a malasin a ladawan ti lalaki a maipagarup a nangala ti rebulto. Inawaganda ti suspek a “Grinch” ken ginutigot ti publiko a tumulong iti pakabigbigan daytoy.
Kalpasan ti uppat nga aldaw, nasarakan ti rebulto iti Poudre Fire Authority Station #1. Inbati daytoy ti suspek nga adda ti inbatina a surat. Nailanad ditoy ti “Pasensiya talaga. Nangrugi daytoy kas maysa a biddot a desision iti dayta a kanito. Saanen a maulit pay.”
Naammoan nga uray nagtalinaed a misteryo no asino ti agtatakaw, saanen a nangipila ti reklamo dagiti negosiante nga akinkukua ti belen. Imbes, dinayaw ti kaadduan ti inaramid a panagpadispensar ti suspek ken panangisubli ken ni Baby Jesus.
