LAOAG CITY – Maselebraran ti maika-61 a charter day ditoy siudad ti Laoag ita nga intero a bulan ti Hunio.
Inbatad ni Mayor James Bryan Alcid a nangrugin ti kick-off ceremony a naangay iti sangwanan ti Laoag City Hall nga inatendaran dagiti opisiales, empleado, barangay officials, uniformed personnels, non-government organizations, government agencies, historian a pakairamanan ni Atty. Manuel Aurelio ken nagduduma pay nga organisasion.
Kunana a ti maysa a highlights ti umuna nga aldaw ti selebrasion ket ti ‘Open City Hall’ a ditoy a makita dagiti nagduduma nga opisina iti City Hall.
Innayonna a makatulong daytoy tapno maamoan dagiti umili ti pagturunganda nga agkiddaw ti tulong para ti alisto a serbisio.
Kabayatanna, ibilang ni Mayor James Bryan Alcid a dakkel a banag ti panagbalin a siudad ti Laoag gapu kadagiti nagduduma a serbision para kadagiti umili.
