LAOAG CITY – Umaboten iti sumurok-kumurang 10 a ribo a kilo ti agdagup 20 pesos a bagas ti naipaima iti siudad ti Batac.
Mainaig iti daytoy, segun ken ni Mayor Mark Christian Chua, maika-10 a tranche ti agdagup ti 20 pesos a bagas ti naipaayen kadagiti nasurok 800 a residente iti nasao a siudad.
Gapu iti daytoy, nagyaman ni Mayor Chua iti National Government kangrunaanna ken ni Presidente Ferdinand Marcos Jr. iti daytoy a programa gapu iti kinaado dagiti mabenbenipisiaran.
Kinunana nga iti unununa ket narigatanda kadaytoy a proseso ngem bayat a bumaybayag ket umal-aliston ti pannakairuarda kadagiti bagas ken inbatadna a no addan ti pay laketdi ti stock ket itultuloyda daytoy nga isayangkat iti siudad ti Batac.
